കുമ്പള.കുമ്പള ടൗണിൽ തെരുവുനായ ശല്യം രൂക്ഷമായിരിക്കെ നായ പൂച്ചയെ ഓടിച്ചിട്ട് ആക്രമിക്കാൻ ശ്രമിക്കുന്നതിനിടെ വൈദ്യുതി പോസ്റ്റിൽ കയറിയ പൂച്ചയെ കുമ്പള മത്സ്യമാർകറ്റിലെ മത്സ്യ വില്പന തൊഴിലാളിയായ യുവാവ് രക്ഷപ്പെടുത്തി.ആരിക്കാടി കടവത്തെ ആരിഫാണ് സാഹസികമായി പൂച്ചയെ രക്ഷപ്പെടുത്തിയത്.
ഇന്ന് രാവിലെ കുമ്പള മത്സ്യ മാർക്കറ്റ് റോഡിൽ സിഎം സ്റ്റോറിന് മുൻവശമുള്ള വൈദ്യുതി പോസ്റ്റിലാണ് പൂച്ച കയറിയത്.ഇത് ശ്രദ്ധയിൽപ്പെട്ട ആരിഫ് വൈദ്യുതി പോസ്റ്റിലെ ഫ്യൂസ്യൂരി വൈദ്യുതി ബന്ധം വിച്ഛേദിച്ചു.പിന്നീട് വൈദ്യുതി പോസ്റ്റിൽ കയറിയാണ് ആരിഫ് കടവത്ത് പൂച്ചയെ രക്ഷിച്ചത്.ആരിഫ് ഒരു ഇലക്ട്രീഷ്യൻ കൂടിയായതുകൊണ്ട് പൂച്ചയെ രക്ഷിക്കാനുള്ള വഴികളും എളുപ്പത്തിലായി.
