ഉപ്പള: മംഗൽപാടിയിൽ സ്ഥിതി ചെയ്യുന്ന മഞ്ചേശ്വരം താലൂക്ക് ആസ്ഥാന ആശുപത്രിയ്ക്ക് കിഫ്ബി ഫണ്ട് ഉപയോഗിച്ച് നിർമ്മിക്കുന്ന ആധുനിക രീതിയിലുള്ള കെട്ടിടത്തിന്റെ നിർമ്മാണോദ്ഘാടനം ആരോഗ്യ വകുപ്പ് മന്ത്രി വീണാ ജോർജ് വീഡിയോ കോൺഫറൻസ് മുഖേന നിർവ്വഹിച്ചു.എ കെ എം അഷ്റഫ് എം എൽ എ അധ്യക്ഷനായി. ആർദ്രം നിലവാരത്തിലുളള സൗകര്യത്തോടെ 17.47 കോടി രൂപ ചിലവിൽ 26000 ചതുശ്രയടി വിസ്തീർണ്ണത്തിൽ നിർമ്മിക്കുന്ന ഇരുനില കെട്ടിടത്തിൽ ഒ പി , ക്യാഷാലിറ്റി, മൈനർ ഒ.ടി , എക്സ്റേ, അൾട്രാ സൗണ്ട് , സി ടി സ്കാൻ , ഫാർമസി , രണ്ട് ഒ പി കൺസൾട്ടേഷൻ മുറികൾ, സ്റ്റാഫ് റൂം , അന്വേഷണ , സ്വീകരണ കൗണ്ടറുകൾ , കാത്തിരിപ്പ് കേന്ദ്രം , ഇലക്ട്രിക്കൽ റൂം , പോലീസ് എയ്ഡ് പോസ്റ്റ് , ടോയ്ലറ്റ് എന്നീ സൗകര്യങ്ങൾ ഒരുക്കും.
15 മാസത്തിനകം പ്രവൃത്തി പൂർത്തീകരിക്കാനാണ് കരാർ.
ചടങ്ങിൽ മഞ്ചേശ്വരം ബ്ലോക്ക് പഞ്ചായത്ത് പ്രസിഡണ്ട് ഷമീന ടീച്ചർ സ്വാഗതം പറഞ്ഞു. ഡോ. രാമദാസ് എ വി റിപ്പോർട്ട് അവതരിപ്പിച്ചു. മംഗൽ പാടി ഗ്രാമ പഞ്ചായത്ത് പ്രസിഡണ്ട് റുബീന നൗഫൽ , മഞ്ചേശ്വരം ഗ്രാമ പഞ്ചായത്ത് ജീൻ ലെവീന മൊന്റോറൊ , ജില്ലാ പഞ്ചായത്തംഗം ഗോൾഡൻ അബ്ദുൽ റഹിമാൻ , ബ്ലോക്ക് പഞ്ചായത്ത് വൈസ് പ്രസിഡണ്ട് പി കെ മുഹമ്മദ് ഹനീഫ് , ബ്ലോക്ക് പഞ്ചായത്ത് ആരോഗ്യ സ്ഥിരം സമിതി അധ്യക്ഷ ഷംസീന.എ , മംഗൽ
പാടി പഞ്ചായത്ത് ആരോഗ്യ സ്ഥിരം സമിതി അധ്യക്ഷ ഇർഫാന ഇഖ് ബാൽ, ബ്ലോക്ക് പഞ്ചായത്തംഗങ്ങളായ കെ അശോക , രാധാകൃഷ്ണ കെ വി , പഞ്ചായത്തംഗങ്ങളായ കൈറുന്നിസ ഉമർ ,ടി.എ ശരീഫ്. സുധ,അശോക,റഷീദ ഹനീഫ്, അസീസ് മരിക്കെ , സാദിക് ചെറുഗോളി,ഫാറൂഖ് ഷിറിയ,രാഘവ ചേരാൽ , അഷ്റഫ് പച്ചിലമ്പാറ , അഹ്മ്മദലി കുമ്പള , താജുദ്ധീൻ മൊഗ്രാൽ,പ്രിജു കെ ബെള്ളാർ,സയ്യിദ് സൈഫുല്ല തങ്ങൾ,ശാഹുൽ ഹമീദ് ബന്തിയോട്,പി.എം സലീം ,
കെ.എഫ് ഇഖ്ബാൽ,ഉമ്മർ അപ്പോളോ,ഡോ.കെ അശോക് സംസാരിച്ചു.