ചെർക്കള.സംസ്ഥാന സർക്കാരിൻ്റെ ആരോഗ്യം ആനന്ദം,അകറ്റാം അർബുദം എന്ന കാംപയിനിൻ്റെ ഭാഗമായി ജില്ലാ മെഡിക്കൽ ഓഫീസ്,മുളിയാർ സി.എച്ച്.സി എന്നിവയുടെ സഹകരണത്തോടെ സി.എം മൾട്ടി സ്പെഷ്യാലിറ്റി ആശുപത്രിയിൽ സൗജന്യ കാൻസർ സ്ക്രീനിംഗ് ക്യാംപ് നടത്തി.
ജില്ലാ ഡെപ്യൂട്ടി മെഡിക്കൽ ഓഫീസർ ഡോ:ബി.സന്തോഷ് ഉദ്ഘാടനം ചെയ്തു.ആശുപത്രി മാനേജിങ് ഡയറക്ടർ ഡോ:മൊയ്തിൻ ജാസിറലി അധ്യക്ഷനായി.
സ്തനാർബുദം, ഗർഭാശയഗള കാൻസറുകൾ നേരത്തെ കണ്ടെത്തി പൂർണമായും ചികിത്സിച്ചു ഭേദമാക്കുക എന്നുള്ളതാണ് പരിപാടിയുടെ ലക്ഷ്യം.മാർച്ച് 8 വനിതാദിനം വരെ നീണ്ടുനിൽക്കുന്ന പരിപാടിയിൽ ആശുപത്രിയിൽ എത്തുന്നവർക്ക് കാൻസർ ബോധവത്ക്കരണം നടത്തും.
മുളിയാർ സി.എച്ച്.സി മെഡിക്കൽ ഓഫീസർ ഡോ:ഷമീമ തൻവീർ മുഖ്യപ്രഭാഷണം നടത്തി.
ഡോ:നാഗമണി നമ്പ്യാർ,ഡോ:അഞ്ജുഷ ജോസ്,ചീഫ് ഓപ്പറേറ്റിങ് ഓഫീസർ ഡോ: അശ്വിൻ,പബ്ലിക്ക് റിലേഷൻസ് ഓഫീസർ ബി.അഷ്റഫ്,ഗസ്റ്റ് റിലേഷൻ ഓഫീസർ എം വി ധനരാജ് സംസാരിച്ചു